Сентябрдаги авариядан сўнг Американинг SpaceX компаниясига қарашли Falcon 9 элтувчи ракетасини учириш 16 декабрга режалаштирилди. Бу ҳақда 1 декабрь, пайшанба куни Iridium Communications телекоммуникация компанияси маълум қилди, деб ёзади «ТАСС».
Iridium Communications мазкур ракета парвози туфайли ўнта янги авлод алоқа сунъий йўлдошини космосга чиқаришга умид қилмоқда.
Ракетани Америка Ҳарбий-ҳаво кучларининг Калифорниядаги Ванденберг базасидан, АҚШ Ғарбий соҳили вақти бўйича 12:36 да учириш белгиланган.
Ракета сунъий йўлдошларни Ер яқинидаги қуйи орбитага етказиши лозим. Бироқ унинг учирилиши SpaceX’нинг Falcon 9 элтувчи ракеталарини учиришни қайта йўлга қўйиш ҳақидаги қарори АҚШ Федерал авиация бошқармаси томонидан маъқулланишига боғлиқ.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)