АҚШнинг сайланган президенти Дональд Трамп Давлат котиби лавозимига 4 нафар номзодни кўриб чиқмоқда. Бу ҳақда унинг штаби вакили Шон Спайсер маълум қилди, дея хабар беради «ТАСС».
«Номзодлар доираси тўрт кишигача торайди. Трамп томонидан Давлат департаментининг бўлажак раҳбари юзасидан якуний қарор чиқариш муддати белгиланмаган», — дея таъкидлади Спайсер.
Штабнинг яна бир вакили Жейсон Миллер тўртликка ким киргани ҳақидаги саволга тўлиқ жавоб бермай, АҚШ президентлигига собиқ номзод Митт Ромни ва Нью-Йорк собиқ мэри Рудольф Жулиани номзодлари кенг муҳокама қилинаётганини айтиш билан кифояланди.
Миллерга кўра, «Трамп тўғри танлов устида ишламоқда». Номзодларга қўйилаётган талаблар орасида «ташқи дунёга қарашларнинг якдиллиги», «ўзаро яхши муносабатлар», «мамлакатни жаҳон саҳнасида муваффақиятли илгари суриш» ва бошқалар санаб ўтилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)