AQShning saylangan prezidenti Donald Tramp Davlat kotibi lavozimiga 4 nafar nomzodni ko‘rib chiqmoqda. Bu haqda uning shtabi vakili Shon Spayser ma’lum qildi, deya xabar beradi “TASS”.
“Nomzodlar doirasi to‘rt kishigacha toraydi. Tramp tomonidan Davlat departamentining bo‘lajak rahbari yuzasidan yakuniy qaror chiqarish muddati belgilanmagan”, — deya ta’kidladi Spayser.
Shtabning yana bir vakili Jeyson Miller to‘rtlikka kim kirgani haqidagi savolga to‘liq javob bermay, AQSh prezidentligiga sobiq nomzod Mitt Romni va Nyu-York sobiq meri Rudolf Juliani nomzodlari keng muhokama qilinayotganini aytish bilan kifoyalandi.
Millerga ko‘ra, “Tramp to‘g‘ri tanlov ustida ishlamoqda”. Nomzodlarga qo‘yilayotgan talablar orasida “tashqi dunyoga qarashlarning yakdilligi”, “o‘zaro yaxshi munosabatlar”, “mamlakatni jahon sahnasida muvaffaqiyatli ilgari surish” va boshqalar sanab o‘tilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)