Qohira Suriyada misrlik harbiylar faoliyat olib borayotganini inkor etdi

Suriyada misrlik harbiy xizmatchilar faoliyat olib bormayapti. Bu haqda Misr TIV rasmiy vakili Ahmad Abu Zayd ma’lum qildi, deya xabar beradi “TASS”.

“Vazirlik qator arab OAVlarida paydo bo‘lgan Misr harbiylarining Suriyada bo‘lib turgani haqidagi ma’lumotlarni rad etadi, — deya ta’kidladi Abu Zayd. — Misr boshqa davlatlarning ichki ishlariga aralashmaslik tamoyiliga sodiq qolmoqda. Xorijga aqalli birgina misrlik askar yoki harbiy texnikani yuborish uchun ma’lum bir konstitutsiyaviy va huquqiy choralarni qabul qilishga to‘g‘ri keladi”.

Oldinroq ayrim mahalliy va mintaqaviy OAVlar Misr harbiylari Suriyada hukumat qo‘shinlariga yordam berayotgani haqida bir necha bor xabar bergandi. Jumladan, yaqinda Qohira Suriya harbiy-havo kuchlariga ko‘mak berish uchun 8 nafar vertolyot uchuvchisini jo‘natgani da’vo qilindi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.