Ҳиндистоннинг мухолифатдаги партиялари 28 ноябрь, душанба куни бутун мамлакат бўйлаб ҳукумат томонидан бошланган пул ислоҳотига қарши норозилик акциялари ўтказишни режалаштирган. Бу ҳақда «ТАСС» хабар бермоқда.
NDTV телеканалига кўра, етакчи мухолифат партияси — Ҳиндистон миллий конгресси, шунингдек, Оддий инсон партияси, Бутунҳиндистон тринамул конгресси ва бошқа ҳаракатларнинг тарафдорлари кўчаларга чиқади. Уларнинг сони 1 миллион кишидан ошиши мумкин. Мухолифат эса бу кўрсаткич бир неча миллион кишини ташкил этишини тахмин қилмоқда.
Мамлакатнинг бир қатор минтақаларида намойишчилар иш ташлаш ўтказиш ниятида. Жумладан, касаба уюшмалари Керала, Ғарбий Бенгалия ва Трипура штатларида иш ташлаш эълон қилишни мўлжалламоқда.
Ҳиндистон бош вазири Нарендра Моди 8 ноябрь куни 500 ва 1000 рупия номиналли банкноталар истеъмолдан чиқарилишини эълон қилганди. Ҳукумат шу йўл билан ноқонуний топилган пулларга қарши курашмоқчи.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)