Швейцарияликлар атом энергетикасидан босқичма-босқич воз кечишга қарши овоз берди

Швейцария фуқаролари атом энергетикасидан босқичма-босқич воз кечишга қарши овоз берди. Бу ҳақда «Корреспондент.net» хабар бермоқда. 

Референдумда жами сайловчиларнинг 45 фоизи иштирок этди. АЭСлардан тез орада воз кечишга сайловчиларнинг 54,23 фоизи қарши чиқди. Швейцарияликларнинг 45,77 фоизи «яшиллар»нинг 2029 йилга келиб атом энергетикасидан тўлиқ воз кечиш ҳақидаги ташаббусини қўллаб-қувватлади. 

Референдум ташкилотчилари мамлакатнинг электр энергиясига бўлган эҳтиёжини ўртача 35 фоизини қоплайдиган АЭСларни узоғи билан фойдаланишга топширилганидан 45 йил ўтиб ёпишни талаб қилмоқда. Расмийлар 2017 йилда Бецнау ва Мюлеберг, 2024 ва 2029 йиларда эса тегишли равишда Гесген ҳамда Ляйбштадт атом электр станцияларини ёпишлари лозим.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.