Европа давлатларининг Евроиттифоқ доирасидаги интеграцияси вақтинчалик тўхтатилиши зарур. Бу ҳақда Германия президенти Йоахим Гаук Welt am Sonntag нашрида 27 ноябрь, якшанба куни чоп этилган интервьюсида маълум қилди, дея хабар беради «ТАСС».
«Евроиттифоқни яратиш асносида олдинги авлодлар фақат орзу қилиши мумкин бўлган ақл бовар қилмас концепцияни ишлаб чиқдик. Бироқ ушбу катта бирлашув йўлида баъзан жуда шошилдик, ҳамма фуқаролар ҳам ортимиздан етиб ололмади ёки буни истамади. Биз қандай мақсадларни кўзлашимиз кераклигини муҳокама этиш учун танаффус ҳақида ўйлаб кўришимиз фойдадан холи бўлмайди», — дея таъкидлади президент.
Гаук кўпчилик одамлар учун бирлашган Европада ва бутунжаҳон глобаллашуви шароитида яшаш осон эмаслигини билдирди.
«Ҳамма ҳам ўзини дунё фуқароси деб билавермайди. Инсонларга уй, ватан керак, улар ўзларини нимагадир тегишли эканлигини ҳис этишни истайди», — дея изоҳ берди Гаук.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)