Хитойнинг жанубий қирғоғига «Токагэ» тўфони яқинлашаётгани туфайли шиддатли шамол ёпирилади. Давлат обсерваторияси 27 ноябрь, якшанба куни хавфнинг «сариқ» даражасини эълон қилди, деб хабар беради «Корреспондент.net».

«Токагэ» Жанубий Хитой денгизида маҳаллий вақт билан соат 5:00 да қайд этилди ва шимолга соатига 5–10 километр тезликда ҳаракатланмоқда.

Синоптиклар башоратига кўра, душанбадан бошлаб тўфон йўналишини ўзгартиради ва кучини йўқотиб, жануби-ғарбга қараб ҳаракатлана бошлайди. Чжэцзян, Фуцзянь, Гуандун, Хайнань провинциялари, шунингдек, Гуанси-Чжуан автоном туманининг соҳилбўйи ҳудудлари табиий офат зарбаси остида қолади.

Синоптиклар расмийларга зарур чораларни кўриш, денгиздаги кемаларга эса портларга қайтишни тавсия қилди.