Россиянинг коинот кенгликларини назорат этиш тизими янги комплекслари Олтой, Узоқ Шарқ, Бурятия ва Қримда жойлаштирилади. Бу ҳақда Ҳаво-космик кучлари коинот қўшинлари қўмондонининг синовлар бўйича ўринбосари, полковник Андрей Ивашина маълум қилди, деб хабар беради «ТАСС».
«Яқин йилларда Россия Федерацияси ҳудудида коинот кенгликларини назорат этиш тизими янги комплекслари жойлаштирилади. Бу янги авлод махсус радиотехник назорат ва оптик-электрон комплекслари тармоқлари бўлади. Улар Олтойдан ташқари Россиянинг бошқа минтақалари — Узоқ Шарқ, Бурятия ва Қримда ҳам жойлаштирилади», — таъкидлади Ивашина.
Полковникка кўра, мазкур комплексларнинг аввалгиларидан асосий афзаллиги уларнинг янги элемент негизида қурилгани ҳисобланади. Улар ишга туширилиши билан Россия Ҳаво-космик кучлари Ер атрофи кенгликларини доимий назорат этиш имконига эга бўлади.
Изоҳ (0)