Футбол бўйича Ўзбекистон Олий Лигасининг 2016 йилги мавсуми якунларига кўра статистикаси «Championat.asia» нашри томонидан тақдим этилди. Унда энг кўп қизил карточка олган ва ўз дарвозасига энг кўп марта йўл топган футболчилар номи келтирилган.
Жиззахнинг «Сўғдиёна» клубида тўп сурадиган Акмал Холмуродов йил давомида 3 бор қизил карточка олиб, майдонни тарк этгани аниқ бўлди. Унинг бу кўрсаткичи бутун бошли «Насаф», «Бунёдкор», «Машъал», «Обод», «Металлург», «Локомотив» каби клубларникидан ёмонроқ бўлгани қайд этилган. Мана шу 6 клуб футболчилари Холмуродовдан камроқ майдондан четлатилган.
«Насаф» ҳимоячиси Шерзод Аъзамов эса 2016 йилги мавсумда энг кўп — 2 марта автогол қайд этди. Яна 10 нафар футболчи бир мартадан ўз дарвозасига гол ургани айтилган.
Изоҳ (0)