Futbol bo‘yicha O‘zbekiston Oliy Ligasining 2016-yilgi mavsumi yakunlariga ko‘ra statistikasi “Championat.asia” nashri tomonidan taqdim etildi. Unda eng ko‘p qizil kartochka olgan va o‘z darvozasiga eng ko‘p marta yo‘l topgan futbolchilar nomi keltirilgan.
Jizzaxning “So‘g‘diyona” klubida to‘p suradigan Akmal Xolmurodov yil davomida 3 bor qizil kartochka olib, maydonni tark etgani aniq bo‘ldi. Uning bu ko‘rsatkichi butun boshli “Nasaf”, “Bunyodkor”, “Mash’al”, “Obod”, “Metallurg”, “Lokomotiv” kabi klublarnikidan yomonroq bo‘lgani qayd etilgan. Mana shu 6 klub futbolchilari Xolmurodovdan kamroq maydondan chetlatilgan.
“Nasaf” himoyachisi Sherzod A’zamov esa 2016-yilgi mavsumda eng ko‘p — 2 marta avtogol qayd etdi. Yana 10 nafar futbolchi bir martadan o‘z darvozasiga gol urgani aytilgan.
Izoh (0)