Saudi Arabian Airlines авиакомпанияси лайнери қанотига парвоз чоғи қуш келиб урилди. Буни ҳаво кемаси қўнганидан кейингина пайқалди, дея хабар беради Daily Mail.
Airbus A333 шикастлангани Жидда аэропортига қўнганидан сўнг аниқланди. Самолётни мамлакат пойтахти Ар-Риёдга парвозга тайёрлаш чоғида учувчилардан бири лайнернинг чап қанотини қуш тешиб ўтганини кўриб қолди. Бургут бўлиб чиққан ўлик қуш ўзи сабабчи бўлган тешикка тиқилиб қолганди.
Натижада рейсни 3 соатга кечиктиришга тўғри келди. Йўловчилар манзилга захира самолёти билан жўнатилди. Мутахассислар шикастланган ҳаво кемаси таъмирига киришди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)