Япониянинг All Nippon Airways авиакомпанияси самолёти Хонсю оролидаги ўзи парвоз қилган аэропортга шошилинч қўнишга мажбур бўлди. Бу ҳақда «ТАСС» хабар бермоқда.
Лайнер Ивакуни шаҳридан Токионинг Ханэда аэропортига йўл олиши кўзда тутилганди. Бироқ кўтарилиш чоғида Airbus A320 қушлар галаси билан тўқнашди ва капитан қайтиб қўнишга рухсат сўради. Текширув ҳаво кемасининг икки двигатели ҳам шикастланганини кўрсатди.
Самолёт бортида 140 нафарга яқин йўловчи бўлган. Улардан ҳеч ким жабрланмади ва кейинроқ бошқа лайнерда манзилига етказилди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)