Жанубий Корея маданият, спорт ва ахборот вазирининг собиқ ўринбосари, 55 ёшли Ким Чон президент Пак Кин Хе атрофидаги коррупциявий можаро туфайли Сеул суди кўрсатмасига биноан қамоққа олинди. Бу ҳақда прокуратура маълум қилди, дея хабар беради «ТАСС».
«У тамагирликда, аниқроғи, Samsung корпорациясини президент дугонаси Чхве Сун Силнинг қариндоши томонидан назорат қилинадиган компанияга 1,6 миллиард вон (1,35 миллион доллар) ‘хайрия’ қилишга мажбурлашда айбланмоқда. Шунингдек, Ким Чон Пхенчханда 2018 йили ўтказиладиган қишки Олимпиадага тайёргарлик учун ажратилган маблағни ўзлаштириш, Чхве Сун Силга махфий маълумотларни етказишда гумон қилинмоқда», — дейилади прокуратура хабарида.
Ким Чон 2013 йилда мазкур лавозимни эгаллаган ва шу йил октябрида президент ҳамда унинг дугонаси билан боғлиқ можаро тафсилотлари ошкор бўлгандан сўнг истеъфо берганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)