Санкт-Петербург губернаторининг собиқ ўринбосари Марат Оганесян «Зенит-Арена» стадиони қурилишида фирибгарликка йўл қўйишда гумон қилиниб, Москвада қўлга олинди. Бу ҳақда Россия Тергов қўмитаси маълум қилди, дея хабар беради «Газета.ru».
Қўмитага кўра, текширувлар чоғида 2014 йили стадион қурилиши бош пудратчиси видеотабло етказиб бериш бўйича «ТДМ» акциядорлик жамияти билан ноқонуний шартнома тузиши натижасида 50 миллион рублдан кўпроқ маблағ ўғирлангани аниқланган.
Терговчилар стадион қурилишини назорат қилиб борган Оганесян «ТДМ» субпудратчи сифатида ноқонуний жалб этилишини таъминлаганини билдирмоқда. Кейинчалик мазкур акциядорлик жамиятига 50 миллион рублдан ошиқ пул аванс тариқасида ўтказиб берилишини уюштирган. Ушбу маблағ эса бир кунлик фирмалар орқали талон-тарож қилинган.
Мансабдор «ТДМ» олинган пулларни стадионга видеотабло етказиб бериш учун сарфлаш ниятида эмаслигини олдиндан билгани маълум қилинмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)