АҚШ Конгресси вакиллар палатаси 15 ноябрь, сешанба куни Эронга қарши санкцияларни яна 10 йилга узайтириш бўйича овоз берди. Мазкур қарорни 419 нафар конгрессмен қўллаб-қувватлади ва атиги бир киши қарши овоз берди. Бу ҳақда «ТАСС» маълум қилди.
Ҳужжат АҚШ президентига Эрон томонидан баллистик ракеталар ишлаб чиқилиши, террорчиликни қўллаб-қувватланиши, инсон ҳуқуқлари бузилишига алоқадор бўлганларга нисбатан чекловчи чоралар қўллашга имкон беради. Ушбу ваколатлар жорий йил 31 декабрь куни якунига етаётганди.
Палата халқаро ишлар қўмитаси раиси Эд Ройсга кўра, санкциялар АҚШ расмийларига Эрон билан эришилган «хавфли ядро келишуви» етказган зарарни камайтириш учун ўта муҳим қурол бўлиб хизмат қилади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)