Австралия, Хитой ва Малайзия вакиллари Ҳинд океани жанубий қисмида операциянинг амалдаги босқичи якунлангандан сўнг 2014 йили Пекинга парвози чоғида ғойиб бўлган Boeing 777 самолётини қидиришни вақтинча тўхтатади. Бу ҳақда Малайзия транспорт вазири Лиоу Тионг Лай маълум қилди, дея хабар беради «ТАСС».
«Умумий майдони 120 минг квадрат километрдан иборат ҳудуд ўрганиб бўлинганидан сўнг қидирувнинг янги йўналишларини аниқлаш керак бўлади. Гап лайнерни қидиришдан буткул воз кечиш ҳақида кетаётгани йўқ», — дея таъкидлади Лиоу Тионг Лай.
Вазирга кўра, келгуси йил бошида жорий операция якунлари кўриб чиқиладиган техник ҳисобот эълон қилиниши кутилмоқда. Бугунги кунга келиб 110 минг квадрат километр майдон тадқиқ этилди, бироқ мазкур қидирувлар ҳозирча ҳеч қандай натижа бермади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)