Хитой ижтимоий тармоқларида АҚШнинг янги сайланган президенти Дональд Трампнинг беш ёшли невараси Арабелла Кушнер иштирокидаги видео машҳур бўлиб кетди.
Ролик 2016 йил бошида миллиардернинг қизи Иванка Трампнинг Instagram’ида эълон қилинган бўлса-да, у ноябрдагина Хитойнинг Weibo тармоғида оммалашиб кетди.
Видеода қизча Хитой Янги йили шарафига мандарин тилида Тан сулоласи давридаги мумтоз шеърни ёддан айтиб берган. Байрам муносабати билан Арабелла қизил рангдаги анъанавий хитойча кўйлагини ҳам кўз-кўз қилган.
Хитойлик интернет фойдаланувчиларини кичкина қизчанинг Хитой мумтоз шеърларини ёддан билиши ҳайратда қолдирди. «Менга Трамп умуман ёқмайди, аммо унинг фарзандлари ва неваралари жуда ёқимтой», — деб ёзди Weibo фойдаланувчиларидан бири.
Арабелла Кушнер Иванка Трамп ва Жаред Кушнернинг ягона қизи. Унинг Жозеф ва Теодор исмли укалари ҳам бор.
Изоҳ (0)