Украина Олий Радаси ўзининг кун тартибига собиқ президент Виктор Янукович ва унинг атрофидагиларга шахсий санкциялар қўллаш бўйича қарор лойиҳасини киритишга 4 маротаба муваффақиятсиз ҳаракат қилди. Бу ҳақда «Корреспондент.net» хабар бермоқда.
15 ноябрь, сешанба куни эрталабки пленар йиғилиш давомида мазкур қарор уч марта овоз беришга қўйилди, бироқ ҳар гал бунинг учун бир неча овоз етмади. Кечки йиғилишда спикер Андрей Парубий яна бир бор ушбу масалани кўтариб чиқди, лекин буни талаб этилган 226 депутатдан 216 нафари қўллаб-қувватлади, холос.
Санкциялар қўлланиши таклиф этилаётган шахслар рўйхатига собиқ президент Виктор Янукович, унинг ўғли Александр, собиқ бош вазир Николай Азаров, шунингдек, Виталий Захарченко, Виктор Пшонка, ака-ука Клюевлар, Сергей Курченко, Дмитрий Фирташ ва бошқалар, жами 21 киши киритилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)