Ўзбекистонда 8—10 ноябрь кунлари бўлиб ўтган I Халқаро мева-сабзавот ярмаркаси доирасида хорижий компания ва ҳамкорлар билан амалий учрашувлар ташкил этилди. Хусусан, шундай музокараларнинг бирида «Агро-Лайн» ва X5 Retail Group ўртасида 117 миллион долларлик шартнома имзоланди. Бу ҳақда «Ўзагроэкспорт» компанияси матбуот хизмати хабар берди.
X5 Retail Group ва «Ўзагроэкспорт» компаниялари ўртасидаги музокаралар бир неча ой давом этди. Июль ойида X5 Retail Group вакиллари республика ҳудудларига ташриф буюриб, таклиф этилаётган мева-сабзавот маҳсулотлари сифатини баҳолаган ҳамда салоҳиятли етиштирувчилар билан танишган эди.
X5 Retail Group Россиянинг озиқ-овқат маҳсулотлари билан чакана савдо қилувчи етакчи компаниясидир. У «Пятёрочка» дўконлари, «Перекрёсток» супермаркетлари, «Карусель» гипермаркетлари ҳамда «Перекрёсток Экспресс» каби дўконлар тармоқларини бошқаради.
Таъкидланишича, шу йил бошидан бери, Ўзбекистондан Россияга экспорт қилинган янги ва қайта ишланган мева-сабзавот маҳсулотлари ҳажми икки мартага ошди.
Изоҳ (0)