Ўзбекистон Президенти сайловига таклиф этилган халқаро кузатувчилар ўз ишларига киришиб, дипломатик ваколатхоналарда очилган сайлов участкаларига бормоқда, сайловларга тайёргарлик ва уларни ўтказиш жараёни билан қизиқмоқда. Улардан айримлари «Жаҳон» ахборот агентлиги билан таассурот ва мулоҳазаларини ўртоқлашди.
— Ўзбекистон Президенти сайловига тайёргарликнинг бориши менга маъқул. Марказий сайлов комиссияси сайлов ўтказиладиган сана ва сайлов кампанияси бошланганидан бери катта ишларни амалга оширди. Комиссиянинг дастлабки қадамларидан бири нуфузли халқаро ташкилотлардан кузатувчиларни таклиф этиш бўлди.
Ўзбекистоннинг халқаро обрўси ошиб бораётганини инобатга олиб, дунёнинг кўплаб мамлакатлари ўз кузатувчиларини жўнатишига ишонаман. Ўзим бу ердаги турли сайлов кампанияларида бир неча бор қатнашдим. Бу галги иштироким бўлажак президентлик сайловида очиқлик ва ошкоралик тамойиллари таъминланишини холис баҳолашга ҳисса қўшади, деб умид қиламан, — дея таъкидлади АҚШ ва Канада Бухоро яҳудийлари Конгресси президенти Борис Қандов.
— Мамлакатда ва хорижда сайловни юқори даражада ўтказиш юзасидан фаол иш олиб борилмоқда. ОАВ орқали аҳолига сайловларга тайёргарлик бўйича маълумотларни тўлиқ тақдим этишга алоҳида эътибор қаратилмоқда, — дейди Ҳиндистондаги Жавоҳарлаъл Неру номли Россия ва Марказий Осиё тадқиқотлари маркази директори профессор Санжай Кумар Пандей. — Ўзбекистонда юз бераётган ҳодисалар нафақат Марказий, балки Жанубий Осиё учун ҳам салмоқли аҳамият касб этади. Тинчлик, барқарорлик мамлакатнинг иқтисодий тараққиёти ва гуллаб-яшнаши учун хизмат қилади. Шу сабабли президентлик сайловининг осойишталик, тартиб билан ўтказилиши энг муҳим омиллардан бири.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)