Молдованинг сайланган президенти лавозимини эгаллагунча давлат томонидан қўриқланишдан воз кечди

Молдованинг сайланган президенти Игорь Додон лавозимини эгаллагунча давлат томонидан қўриқланишидан воз кечди. Бу ҳақда «ТАСС» хабар бермоқда.

«Қасамёд келтирганидан кейингина Молдова республикаси президенти мандати амалга оширилиши бошланади. Қонунчилик талабларини бажаришингиз ва мени ҳимоя қилиш учун юборилган Давлат қўриқлаш хизмати зобитларини чақириб олишингизни сўрайман. Президентлик мандати амалга оширилиши бошлангунича қўриқлашни таъминлашни талаб этувчи қандайдир ҳолат ёки хавф мавжуд эмаслигини таъкидламоқчиман», — дейилади сиёсатчи Давлат қўриқлаш хизмати директорига йўллаган ва Facebook’даги саҳифасида жойлаштирилган мактубида. 

Додон, шунингдек, мамлакат марказий сайлов комиссияси сайловларнинг расмий натижаларини эълон қилмагани, уларни Конституциявий суд тасдиқламагани ва президент сифатида қасамёд келтирмаганини эслатиб ўтди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.