Яман ҳукумат қўшинлари мамлакат шимоли-ғарбидаги Хажа провинциясида камида 27 нафар исёнчи хусийлар (шиаларнинг «Ансор Аллоҳ» ҳаракати тарафдорлари)ни йўқ қилди, деб ёзади «ТАСС». Бу ҳақда Sky News Arabia телеканалига армиядаги манбаси маълум қилган.
Унинг маълумотларига кўра, Харад ва Миди округларида ўтказилган операция чоғида, шунингдек, исёнчиларнинг бир неча дала қўмондонлари йўқ қилинган. Тинч аҳоли орасидаги жабрланганлар ҳақида маълумот йўқ.
Ҳукумат кучлари ва «Ансор Аллоҳ» ҳаракати ўртасидаги қарама-қаршилик Яманда 2014 йил августида бошланган, 2015 йил мартида Саудия Арабистони бошчилигидаги коалиция бостириб киргач, янада фаолроқ босқичга ўтган эди.
Изоҳ (0)