Соатларнинг қишки вақтга сурилиши оқибатида янги туғилган эгизаклар — Ронан ва Сэмюэль Питерсонлар бир вақтнинг ўзида бир-биридан катта бўлиб қолди, деб хабар беради TJournal.
Ҳодиса 5 ноябрдан 6 ноябрга ўтар кечаси Массачусетс штатидаги Cape Cod госпиталида содир бўлди. Сэмюэль 1:39 да дунёга келди, тунги соат иккида вақт бир соат ортга сурилди ва 2:10 да туғилиши керак бўлган Сэмюэлнинг укаси Ронан 1:10 да дунёга келди.
Шундай қилиб, эгизаклардан бири аслида иккинчисидан катта, иккинчиси эса ҳужжатлар бўйича катта бўлиб қолди. Доя аёл касалхонадаги 40 йиллик фаолияти давомида бундай ҳодисага биринчи бор дуч келганини маълум қилди.
«Улардан бири ‘катта’, бошқаси эса олдинроқ туғилгани қойилмақом, деб ҳисоблайман. Умид қиламанки, улар бу туфайли бутун умр баҳслашмайди», — деди эгизакларнинг онаси Эмили Питерсон.
Изоҳ (0)