Голландиялик композитор ва пианиночи Йерун ван Вейн Lego конструкторидан табиий катталикдаги пианинони ясади, деб ёзади «ТАСС». Мусиқий асбоб ҳақиқийсига жуда ўхшаш бўлиши билан бирга, чалиш учун ҳам мослаштирилган.
Ўзини Lego мухлиси деб атовчи 47 ёшли конструктор ноодатий мусиқий асбобни ясашга 2,5 йил сарфлади. «Бу хобби сифатида бошланди, аммо кейин назорат остидан чиқиб кетди», — дея тан олди ван Вейн.
Мусиқий асбоб унга бутун дунёдан юборилган ишлатилган элементлардан ясалган. Айниқса, композитор ўзи ишлаб чиққан, юмалоқ учларни ҳосил қилиш техникаси билан фахрланади.
Пианинонинг торлари сариқ элементлардан қилинган бўлиб, товуш чиқармайди. Аммо конструкторга рақамли клавиатура ўрнатилган бўлиб, у мусиқий асарларни ижро этиш имконини беради. Lego’дан ясалган пианинодаги биринчи концертини ван Вейн 11 ноябрь куни Алмер шаҳрида берди.
Изоҳ (0)