Facebook’даги «Водители Ташкента» гуруҳида ранг-баранг пуфаклар билан тўлдирилган милиция машинаси сурати эълон қилинди. Сурат Тошкентда олинган, бироқ қачон олганига аниқлик киритилмаган.
Сурат фойдаланувчиларнинг муҳокамаларига сабаб бўлган. Уларнинг баъзилари милиция ходимлари йўл ёқасида ноқонуний равишда пуфаклар савдоси билан шуғулланганларга чора кўрган бўлиши мумкин, деб ёзган.
Бошқалар эса суратга ҳазил билан ёндашган. «Уларнинг ҳам фарзанди бор», — деб ёзган бир фойдаланувчи. «Бу — жиноятчиларни қўлга тушириш учун бир ниқоб!», — деб ёзган бошқа фойдаланувчи.
«Нима бўлса ҳам, муҳими хурсандчилик — у қандай кўринишда бўлиши аҳамиятсиз», — деб қўшимча қилган бошқа бир фойдаланувчи.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)