Ўзбекистон Президенти вазифасини бажарувчи Шавкат Мирзиёев қарори (pdf) билан, Тадбиркорлик субъектларини давлат рўйхатидан ўтказиш ва ҳисобга қўйиш тартибини тубдан такомиллаштириш бўйича чора-тадбирлар комплекси маъқулланди.
Унга кўра, 2017 йил 1 апрелдан бошлаб тадбиркорлик субъектларини давлат рўйхатидан Ўзбекистон Республикаси Давлат интерактив хизматлари ягона порталига интеграциялашган Интернет тармоғидаги тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизими орқали кеча-ю кундуз ўтказиш ва ҳисобга қўйиш таъминланади.
Тижорат банклари, Ўзбекистон банклари уюшмаси, электрон тўловлар хизматларини кўрсатадиган ташкилотларга электрон тўловларни амалга ошириш учун Ўзбекистон Республикасида мавжуд бўлган электрон тўлов тизимлари, Ягона порталда фойдаланувчининг шахсий кабинети ва «тадбиркорлик субъекти кабинети» билан Интернет тизими орқали банк ҳисоб рақамларини бошқариш тизимининг интеграциялашувини амалга ошириш тавсия этилди.
Изоҳ (0)