Миср хавфсизлик кучлари Синай ярим оролининг шимолий қисмида 14 нафар жангарини йўқ қилди. Бу ҳақда «ТАСС» хабар бермоқда.
Ярим оролдаги террорчи гуруҳларга қарши операцияда иштирок этаётган армия контингенти штаби вакили Муҳаммад Самирнинг маълум қилишича, жангарилар тўпланадиган бешта пункт йўқ қилинди. Ушбу пунктлардан туриб жангарилар Шайх Зувайд ва Рафах аҳоли яшаш пунктларига ҳамла қилиб турган.
Шунингдек, жангарилар ишлатиш учун тайёрлаб қўйган ўндан ортиқ портловчи ускуналар зарарсизлантирилди, тепасига йирик калибрли пулемёт ўрнатилган «Жип» йўқ қилинди, кўп миқдорда қурол-яроғ ва ўқ-дори мусодара этилди.
Изоҳ (0)