Misr xavfsizlik kuchlari Sinay yarim orolining shimoliy qismida 14 nafar jangarini yo‘q qildi. Bu haqda “TASS” xabar bermoqda.
Yarim oroldagi terrorchi guruhlarga qarshi operatsiyada ishtirok etayotgan armiya kontingenti shtabi vakili Muhammad Samirning ma’lum qilishicha, jangarilar to‘planadigan beshta punkt yo‘q qilindi. Ushbu punktlardan turib jangarilar Shayx Zuvayd va Rafax aholi yashash punktlariga hamla qilib turgan.
Shuningdek, jangarilar ishlatish uchun tayyorlab qo‘ygan o‘ndan ortiq portlovchi uskunalar zararsizlantirildi, tepasiga yirik kalibrli pulemyot o‘rnatilgan “Jip” yo‘q qilindi, ko‘p miqdorda qurol-yarog‘ va o‘q-dori musodara etildi.
Izoh (0)