Мьянма шимолида нефрит қазиб олинадиган очиқ конга осмондан катта металл объект тушди, деб ёзади «Корреспондент.net» давлат ОАВларига таяниб. Узунлиги 4,5 метр ва кенглиги 1,2 метр бўлган цилиндр шаклидаги объект 10 ноябрь, пайшанба куни Качин штатида аниқланган.
Деярли шу вақтнинг ўзида Хитой тилида ёзуви бўлган яна бир металл бўлаги қўшни уйнинг томини тешиб кирди, қурбонлар ва жабрланганлар йўқ.
Тахминларга кўра, бўлаклар Хитойнинг «Пульсар» тажрибавий сунъий йўлдоши учирилиши билан боғлиқ бўлиши мумкин, уни «Чанчжэн-11» элтувчи ракетаси орбитага пайшанбага ўтар кечаси олиб чиққан эди.
Амалдорлар сўзларига кўра, осмондан учиб тушган объект ерга урилгач, 50 метрга сакраб кетган, сўнг очиқ конга тушган.
«Топилган металл объектлар сунъий йўлдош бўлаклари ёки бўлмаса, самолёт ёки ракета двигатели деталлари бўлиши мумкин», — деб ёзади Global New Light.
Качин штати ҳукумати объектнинг нималиги ҳозирча аниқланмаганини айтди.
Изоҳ (0)