АҚШнинг янги маъмурияти Сурия ва Ироқда ИШИД гуруҳига қарши кураш бўйича «кампанияни давом эттириши» керак. Бундай фикрни АҚШнинг амалдаги мудофаа вазири Эштон Картер CBC телеканалига берган интервьюсида билдирди, деб ёзади «ТАСС».
«Ироқ ва Сурияда ИШИДни батамом йўқ қилиш. Улар (жангарилар) қаерда, жумладан, Ливия ва Афғонистонда, пайдо бўлмасин, уларга зарбалар беришда давом этиш. Ва энг муҳими фуқароларимиз ва халқимизни ҳимоя қилиш, бу нафақат ҳарбийлар, балки разведка тузилмалари, ҳуқуқ-тартибот органлари ва миллий хавфсизлик хизматлари учун ҳам вазифадир», — деди Пентагон раҳбари.
Унинг таъкидлашича, айни пайтда АҚШ томонидан тайёрланган маҳаллий кучлар ИШИД ўз қўл остида тутиб турган Мосул шаҳрини ўраб олган. Худди шундай тактика Суриядаги ИШИД пойтахти Раккани озод қилишда ҳам қўлланилади.
Изоҳ (0)