Лондон транспорт полицияси трамвайнинг издан чиқиб кетиши натижасида 7 киши ҳалок бўлганини тасдиқлади. Бу ҳақда «ТАСС» хабар бермоқда.
Ҳодиса 9 ноябрь, чоршанба куни тонгда шаҳарнинг Кройдон туманидаги «Сэндилендс» трамвай бекати яқинида рўй берди. Рельслардан чиқиб кетиши туфайли ҳаракатдаги трамвай ағдарилиб кетди. Бунинг оқибатида 50 дан ортиқ йўловчи касалхонага ётқизилди.
Трамвай ҳайдовчиси ҳодисадан сўнг ҳибсга олинди. У ҳаракат чоғида ухлаб қолгани ва транспорт воситасини бошқаришни назоратсиз қолдиргани тахмин қилинмоқда.
Изоҳ (0)