Куба расмийлари армияни эҳтимолий «душманлик ҳаракатлари туркуми»ни даф этишга тайёрлаш учун 5 кунлик ҳарбий машғулотлар ўтказилишини эълон қилди. Бу ҳақда «Интерфакс» хабар бермоқда.
Associated Press манбаларига кўра, мамлакат ҳукумати машғулотлар ўтказилишини Дональд Трампнинг АҚШдаги президентлик сайловларида ғалаба қозонгани билан боғлаётгани йўқ, бироқ тактик машқлар ҳақида Трамп сайловларда ғолиб чиққани тасдиқлангани билан деярли бир пайтда маълум қилинди.
Куба «Истеҳком» деб ном олган машғулотларни еттинчи бор ўтказмоқда ва улар одатда доимо АҚШ билан муносабатлардаги тарангликни англатган. Биринчи бор бундай машқлар 1980 йилда, Рональд Рейган президентлик сайловларида муваффақият қозонганидан сўнг бўлиб ўтганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)