Америкалик олимлар ўрта ёшдаги аёллар хотираси эркакларникидан яхшироқ эканлигини, бироқ менопаузадан сўнг у ёмонлашишини аниқлади, деб ёзади EurekAlert!
Кўп сонли илмий ишлар натижалари кексайиш жараёни когнитив қобилиятларнинг ёмонлашуви билан кечишини кўрсатди. Қарияларнинг 75 фоизга яқини эсда сақлаш қобилияти билан боғлиқ муаммолардан шикоят қилади. Кўплаб аёллар эса менопаузадан сўнг хотираси пасайиб қолганидан нолийди. Шу билан бир вақтда, аёллар нейродегенератив касалликлар, деменция (ақли заифлик) ва бошқа когнитив касалликларга кўпроқ учрайди.
Тадқиқотда 45 дан 55 ёшгача бўлган 212 нафар аёллар ва эркаклар қатнашди. Олимлар эпизодик хотира, ижрочи функциялар, семантик ишлов бериш ва вербал ақл (тилга қобилият) каби нейрологик жараёнларни когнитив синовдан ўтказди.
Менопаузадан кейин аёлларда хотира пасайиши кузатилиши, бу эстрадиола миқдори камайиши билан боғлиқлиги аниқланди. Ушбу жинсий гормон камайиши ўрганиш самарадорлигининг ва аввалроқ ўзлаштирилган маълумотни эслаш қобилиятининг пасайишига ҳам таъсир қилади. Аммо аёллар менаопаузагача эркаклардан кучлироқ хотира билан фарқланади.
Изоҳ (0)