McDonald’s Флоренция маҳаллий ҳукуматидан компанияга шаҳарнинг тарихий қисми, Собор майдонида ресторан очишни тақиқлагани учун, 18 миллион евро товон пули талаб қилмоқчи, деб ёзади «РБК».
McDonald’sнинг Санта-Мария дель Фьоре собори қаршисида ресторан қуриш ҳақидаги сўровига Флоренция мэри июнь ойида рад жавоби берган эди. Тарихий иншоот асралишини назорат қилувчи Махсус техник кенгаш ушбу қарорни тасдиқлади.
Маҳаллий стандартларга мос келиш учун ўз сўровини ўзгартирган McDonald’s энди товон пули талаб қилмоқда. Компаниядагилар ўзларини дискриминацияга учраган деб ҳисоблаб, 17,8 миллион евро сўрамоқда. McDonald’s фикрича, агар сўрови блокланмаганида кейинги 18 йил ичида айнан шунча пул ишлаб топган бўларди.
Изоҳ (0)