Республикачилар партиясидан АҚШ президентлигига номзод Дональд Трамп Флорида ва Шимолий Каролинада асосий рақиби, Демократик партиядан номзод Ҳиллари Клинтон устидан ғалаба қозонди. Бу ҳақда, New York Times ва Fox News’га асосланиб, «РБК» хабар бермоқда.
Флоридада бюллетенларнинг 99 фоизи кўриб чиқилган, унда Трамп 49,1 фоиз овоз олган, Клинтон эса 47,7 фоиз сайловчи овоз берган, деб ёзади New York Times. Флоридадаги ғалаба Трампга танловчилар ҳайъатининг 29 та овозини беради.
Fox News ахборотига кўра, Шимолий Каролинадаги овозларнинг 83 фоизи ҳисоблаб чиқилган бўлиб, унда Трамп Клинтонни 3,4 фоизга ортда қолдирмоқда; дастлабки маълумотларга кўра, Республикачилардан номзод штатда 50,4 фоиз овоз олган. Қайд этиш жоиз, Шимолий Каролинада танловчилар ҳайъатида 15 ўринга эга.
Тошкент вақти билан 9:40 ҳолатига кўра, Трамп танловчилар ҳайъатининг 216 та, Клинтон эса 209 та овозини қўлга киритган. АҚШнинг 45-президентига айланиш учун, номзод танловчилар ҳайъатининг камида 270 та овозини олиши лозим.
[playbuzz-item playbuzz_url="muhrima10/aqsh-prezidenti-saylovida-kim-g-olib-chiqadi"]
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)