Ravon Nexia Қозоғистоннинг Қўстанай шаҳрида йиғила бошлайди, деб ёзади «Bibi.uz» «Новая газета» нашрига таяниб.
Қозоғистон бош вазири биринчи ўринбосари Аскар Маминга ишлаб чиқариш объектларига ташрифи доирасида Ravon автомобилининг янги модели — Ravon Nexia кўрсатилди. Қўстанайда уни ўзбекистонлик шериклар билан йиғиш режалаштирилмоқда, дейилади хабарда.
«Бу Қозоғистондаги энг арзон автомобиль бўлади», — деди Allur Avto ДК директорлар кенгаши раиси Андрей Лаврентев. Унинг нархи 2,6 миллион тенге (тахминан 23 800 000 сўм)га тенг бўлади.
Лаврентев айтишича, Қўстанайда Ravon йирик тугунли услубда йиғила бошлайди: бутловчи қисмлар Ўзбекистондан келтирилади, маҳаллийлаштириш 30 фоизгача бўлади.
Биринчи Ravon автомобилини чиқариш санаси аниқ эмас, аммо заводдагилар таъкидлашича, Ўзбекистон-Қозоғистон қўшма корхонаси ҳақида бир нечта ҳужжатни имзолаш қолган, холос.
Изоҳ (0)