Жанубий Корея президенти Пак Кин Хе дугонаси Чхве Сун Силь билан қалин муносабатлари натижасида йўл қўйган хатоларини тан олди ва уларни «юракни тилка-пора қиладиган» деб атади. Бу ҳақда «Интерфакс» хабар берди.
Жанубий Корея телевидениеси орқали мамлакат халқига мурожаатида у юзага келган сиёсий можародаги ролига нисбатан текширув ўтказилишига тайёр эканлигини маълум қилди.
Нашр эслатишича, унинг дугонаси Чхве Сун Силь, маъмуриятда ҳеч қандай расмий лавозимни эгалламасдан туриб, президент билан шахсий алоқаларидан фойдаланган ҳолда, унинг нутқларини таҳрирлаган, шу тариқа сиёсатга сояли таъсир ўтказган. Бундан ташқари, у ноҳукумат ташкилотларни молиялаштириш билан боғлиқ фирибгарликларга аралашган.
Эслатиб ўтамиз, аввалроқ Сеул округ суди мамлакат президенти Пак Кин Хенинг дугонаси, йирик коррупцион жанжалга аралашиб қолган Чхве Сун Силни ҳибсга олиш учун рухсатнома берди. Шунингдек, сўнгги ҳафтада мамлакатни қамраб олган шов-шувли можаронинг асосий иштирокчиларидан бири ҳисобланган президент собиқ ёрдамчиси Чжон Хо Сон ҳибсга олинди.
Изоҳ (0)