Голливуд актёри Жонни Депп Жоан Роулингнинг «Фантастик жониворлар ва уларнинг яшаш макони» номли китобига асосланган фильмнинг иккинчи қисмида роль ижро этади. Ушбу фильмлар Гарри Поттер ҳақидаги машҳур фильмларнинг спин-оффидир (воқеалари бир жойда бўладиган, аммо қаҳрамонлари бошқа фильм), деб хабар беради «Корреспондент.net».
Фильмнинг ва Жонни Депп гавдалантирадиган персонажнинг номи сир сақланмоқда. Картина 2018 йилда катта экранларга чиқади.
Депп «Фантастик жониворлар»нинг биринчи қисмида ҳам эпизодик роль ижро этган эди. Биринчи фильм режиссёри — Дэвид Йейтс.
Ўз навбатида, Жоан Роулинг «Фантастик жониворлар ва уларнинг яшаш макони» китоби асосида бешта фильм суратга олинишини маълум қилди.
Изоҳ (0)