AQSh prezidenti Barak Obama Sudanga nisbatan sanksiyalarni yana bir yilga uzaytirdi. Bu haqda “Interfaks” xabar bermoqda.
“Sudan hukumatining harakatlari va olib borayotgan siyosati AQSh milliy xavfsizligi va tashqi siyosatiga favqulodda xavf ko‘rsatishda davom etmoqda”, — deyiladi Obama AQSh Kongressiga yo‘llagan bildirishnomada.
O‘z navbatida, AQShning Sudandagi elchixonasi sanksiyalarning uzaytirilishi “texnik masala” ekani va bu sanksiyalar “kelajakda istalgan vaqtda” yumshatilishi mumkinligini ma’lum qilgan.
Sudan diniy aqidaparastlarni qo‘llab-quvvatlagani uchun, AQSh 1997-yili mazkur mamlakatga nisbatan savdo embargosini joriy etgan. 1990-yillarning o‘rtalarida “Al-Qoida” yetakchisi Usoma bin Laden Sudan poytaxti Xartumda yashirincha istiqomat qilgan, deb hisoblanadi.
Sudanda 2003-yildan beri millatlararo to‘qnashuvlar davom etmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)