Олмаотада банк биноси олдида отишма юз берди

Олмаотада «Алатау Гранд» бизнес маркази олдидаги чорраҳада отишма юз берди, дея хабар бермоқда Tengrinews.

Гувоҳларнинг сўзларига кўра, отишма овозлари тушлик вақтида янграган. Бизнес марказга қўшни банк бўлими қўриқчисининг сўзларига кўра, отишма бизнес марказ олдида юз берган, ҳодиса оқибатида банк мижози жабрланган.

Полиция ходимлари бизнес марказ ҳудудида жойлашган «ВТБ» банки бўлими ичида текширув олиб бормоқда. Ҳудуд ўраб олинмаган, бироқ ичкарига ҳеч ким қўйилмаяпти.

Tengrinews’нинг ёзишича, полиция Олмаотадаги отишмага алоқадор гумонланувчиларни қидирмоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.