Франциялик иқлимшунослар Европа жанубидаги курорт ҳудудлар саҳрога айланишини прогноз қилди. Шунга бағишланган тадқиқот Science журналида чоп этилди, деб ёзади Nature News.
Европа жануби, хусусан, Лиссабон (Португалия) ва Севилья (Испания), олимлар фикрига кўра, кенг саҳронинг бир қисмига айланади. Бу глобал исиш оқибатида XXI аср охирларида содир бўлиши кутилмоқда.
Олимларнинг прогнозлари глобал исишнинг ҳозирги суръати сақланиб қолган тақдирда рост чиқади. Бу ҳолда Европа жанубидаги ўрмонлар, мутахассислар тахминига кўра, шимолга ва тоғларга қараб силжийди, уларнинг ўрнига эса бутазорлар келади. Акс ҳолда эса, агар ҳудуддаги ўртача йиллик ҳароратлар Цельсий бўйича 1,5 даражадан ортиқ кўтарилмаса, ҳудуддаги экотизим сақланиб қолади.
Шу билан бирга, олимлар бунга ўхшаш ҳолатлар АҚШ жануби-ғарбида ҳам кузатилишини таъкидламоқда.
Изоҳ (0)