Россиянинг Орёл шаҳрида Иван Грозний ҳайкали бошига қоп кийдириб кетишди

30 октябрь куни номаълум шахслар Россиянинг Орёл шаҳрида яқинда ўрнатилган Иван Грозний ҳайкалининг бошига қоп кийдириб кетишди, деб ёзади TJournal «ВКонтакте»даги гуруҳлардан бирига таяниб.

Шунингдек, отнинг бошига қора тахта осиб қўйишган, унга қизил бўёқ билан «Қандайдир дим, қоронғи» деб ёзиб қўйилган. Ҳуқуқ-тартибот органлари ва шаҳар амалдорлари бунга қандай муносабат билдиргани ҳозирча номаълум.

Ока ва Орлик дарёлари қўшилган жойда ўрнатилган Иван Грозний ҳайкали 2016 йил 14 октябрда очилган эди. Ҳайкалнинг ўрнатилиши масаласи кўплаб баҳсларни келтириб чиқарди: норозилик акциялари ўтказилди, ҳайкал учун жой муҳокама қилинди, шоҳнинг шахси ҳақида эса Россия руҳонийлари кинояли фикрлар билдирди.