АҚШ ҳарбий-денгиз кучларининг қурилиш харажатлари 2,7 миллиард долларни ташкил этган USS Illinois атом сув ости кемаси расман сафга қўшилди. Мамлакатнинг биринчи хоними Мишель Обама иштирокидаги бунга бағишланган маросим 29 октябрь, шанба куни Гротондаги (Коннектикут штати) ҳарбий кемасозлик заводида бўлиб ўтди, деб хабар беради «Корреспондент.net».
Олдинроқ кемага ном беришда (субмарина Мишель туғилган штат номи билан аталган) иштирок этган ва шу тариқа унинг ҳомийси саналадиган президент рафиқасига кемани ишга туширишга кўрсатма бериш ҳуқуқи тақдим этилди.
«Illinois ҳарбий-денгиз кучларимиздаги энг замонавий сув ости кемаси. У исталган вазифани — қидирув-қутқарув операцияларидан тортиб илмий тадқиқотлар ўтказишгача қодир», — таъкидлади биринчи хоним.
Изоҳ (0)