Райҳон Йигитали билан ажрашишини эълон қилишидан бир ой аввал бўлажак турмуш ўртоғи иштирокида клип суратга олдирган

Хонанда 29 октябрь, шанба куни иккинчи марта турмушга чиқиши кутилмоқда. Хабар беришларича, Райҳоннинг бўлажак турмуш ўртоғи — таниқли бошловчи Фарҳод Алимовдир.

Эътиборли томони, Райҳон биринчи турмуш ўртоғи, актёр Йигитали Мамажонов билан ажрашаётганини расман эълон қилган кун — 2015 йил 9 январдан ярим ой аввал — 2014 йилнинг 24 декабрида «Излама» қўшиғига Фарҳод Алимов иштирокида олинган клип тақдимотини ўтказган.

Воқеалар кетма-кетлиги

2014 йилнинг 11 ноябрь куни Райҳон «Излама» номли қўшиғи аудиотақдимотини ўтказган. Катта эҳтимол билан, қўшиқ учун клип олиш жараёни ҳам тахминан шу вақтда бошланган.

• Райҳон ва Фарҳод Алимовнинг тўйи октябрь ойи охирида бўлиши рад этилди

20 ноябрь куни Райҳон «Sayyod.com» сайтига катта интервью берган. Унда синглиси Насиба ва ўша вақтдаги турмуш ўртоғи — актёр Йигитали Мамажонов бир-бири билан гаплашмаслиги, синглиси: «Райҳонни бир тўда аҳмоқлар ўраб олган», деб ижтимоий тармоқларда қолдирган фикрлари бўйича саволларга аниқ жавоб бера олмай, «Ҳар қандай оилада ҳам шундай ҳодисалар вақти-вақти билан бўлиб туриши мумкин», кўринишида изоҳ бериш билан чекланган.

Орадан ҳеч қанча ўтмай, Йигитали Мамажонов MY5 телеканалидаги «Сирдошлар» кўрсатувида меҳмон бўлган. Унга: «Райҳон сизга хиёнат қилганми?», қабилида савол берилган. Йигитали эса, «Sayyod.com» нашри муаллифининг фикрича, «даюснинг гапидек жавоб қайтарган»: «Райҳоннинг хиёнат қилган ё қилмагани менга қоронғу».

• Райҳон ва Фарҳод Алимовнинг тўйи хорижда бўлиши ҳақидаги гап-сўзлар рад этилди

Бу орада Насибанинг ижтимоий тармоқлардаги Йигиталига қарши қаратилган изоҳлари кучайган. Райҳон ҳам жаҳлда Йигиталининг Instagram’даги саҳифасида, «Sayyod.com»нинг ёзишича, «барча аламини сочган». Кейинроқ сайтга шу воқеа бўйича берган интервьюсида: «Чидолмадим, шу сабаб ёзиб юборибман... Худога солдим», — деб фикр билдирган.

24 декабрь куни Райҳоннинг «Излама» қўшиғи учун олинган клип тақдимоти бўлиб ўтган. Унда асосий ролни бошловчи Фарҳод Алимов ижро этган. Клипда турмуш ўртоғига (турмуш ўртоқ ролида — Райҳоннинг ўзи) хиёнат қилган одам (бу ролда — Фарҳод Алимов) охир-оқибат оиласиз қолиши кўрсатилган.

26 декабрь куни бўлиб ўтган «Эътироф—2014» тақдимотига Райҳон ва Йигитали биргаликда келган, бироқ, «Sayyod.com»нинг қайд этишича, улар «ўз муносабатлари қай аҳволда эканини яшира олмайдиган даражага келиб бўлганди», уларнинг орасида «оламушук ўтганини кўпчилик сезганди».

2015 йил 9 январь куни Райҳон ажрашиш учун ариза топширганини эълон қилган. 2016 йил май ойида уларнинг никоҳи расман бекор қилингани маълум бўлди. Улар 2012 йилнинг ноябрь ойида турмуш қурган, 2014 йилнинг май ойида эгизак фарзандли бўлган эди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.