Ўзбекистоннинг Ригадаги элчихонасида Латвия ижтимоий-сиёсий, илмий-академик доиралари, сайлов органлари, НТТ ва ОАВ вакиллари иштирокида Ўзбекистон Президенти сайловига бағишланган брифинг бўлиб ўтди. Бу ҳақда «Жаҳон» ахборот агентлиги хабар бермоқда.
Тадбир қатнашчилари Ўзбекистоннинг сайлов қонунчилиги, Президент сайловига тайёргарликнинг бориши, ўтказиш услублари ва технологиялари билан таништирилди.
— Ўзбекистон кучли фуқаролик жамияти қуриш йўлидан ишонч билан қадам ташламоқда. Республикада амалга оширилаётган барча соҳалардаги ўзгаришлар, жумладан, конституциявий ислоҳотлар юқори баҳоларга лойиқ. Охирги йилларда мамлакатингизда бир неча бор бўлдим, хусусан, 2015 йили президент сайловларида халқаро кузатувчи сифатида иштирок этдим. Айтишим мумкинки, сиёсий-ижтимоий ҳаётни демократлаштириш борасидаги кенг кўламли ислоҳотлар ўз самарасини бермоқда, — дея таъкидлади Латвия фанлар академияси президенти Оярс Спаритис.
— Латвия ва Ўзбекистон марказий сайлов комиссиялар ўртасида яқин ҳамкорлик ўрнатилган. 2015 йил охирида тажриба ва билимлар алмашиш учун асос бўлиб хизмат қилаётган меморандумни имзоладик, — дейди Латвия марказий сайлов комиссияси раиси Арнис Цимдарс. — Аввалги президентлик сайловларида Тошкент, Самарқанд ва Бухородаги сайлов участкаларида бўлган, сайловчилар билан мулоқот қилгандим. Ушбу учрашувлар давомида сайловларга тайёргарлик ва уларни ўтказиш амалиёти ҳақида кўплаб маълумотларга эга бўлганман. Ўзбекистонга бу муҳим сиёсий тадбирни муваффақиятли ўтказишни тилаб қоламан.
Изоҳ (0)