25 октябрь куни Ўзбекистон бўйича фақат Қамчиқ довонида қор ёғди

25 октябрь куни Ўзбекистон бўйича фақат Қамчиқ довонида қор ёғди. «Ўзгидромет» маркази ахборотига кўра (.pdf), ҳудудда 1 миллиметр қор ёққан.

Бундан ташқари, 25 октябрь куни кундузи ва 26 октябрга ўтар кечаси Янгийўл, Сирдарё, Қўрғонтепа шаҳарларида бироз ёмғир кузатилган, мамлакатнинг бошқа ҳудудларида ёғингарчилик қайд этилмаган.

Ўзбекистон вилоят марказлари ва йирик шаҳарларида 25 октябрь куни кундузи ҳаво ҳароратининг энг юқори даражаси шундай бўлди: Нукусда +4 даража, Урганчда +5 даража, Андижон, Фарғонада +9 даража, Тошкент, Бухоро, Жиззах, Гулистон, Наманганда +10 даража, Навоийда +11 даража, Самарқандда +13 даража, Қаршида +14 даража, Термизда +16 даража илиқ.

Ўзбекистон вилоят марказлари ва йирик шаҳарларида 26 октябрга ўтар кечаси ҳаво ҳароратининг энг паст даражаси шундай бўлди: Нукусда -7 даража, Урганчда -6 даража, Тошкент, Бухоро, Жиззахда -1 даража совуқ, Самарқандда 0 даража, Гулистон, Қарши, Термиз, Намангада +1 даража, Андижонда +4 даража, Фарғонада +5 даража илиқ.

Маълумот учун, 26 октябрга ўтар кечаси Ўзбекистон бўйича энг паст ҳаво ҳарорати Қорақалпоғистоннинг Жаслиқ ҳудудида қайд этилган бўлиб, бу ерда ҳаво ҳарорати -10 даражагача пасайган. Мамлакат бўйича энг кучли шамоллар (сониясига 18 метр) ҳам шу ерда қайд этилган.

• 27 октябрь куни бутун Ўзбекистон бўйича ҳаво ҳарорати бироз кўтарилиши кутилмоқда