Ўзбекистон Президенти вазифасини бажарувчи Шавкат Мирзиёев ва Қирғизистон президенти Алмазбек Атамбаев ўртасида 26 октябрь куни телефон орқали мулоқот бўлиб ўтди. Бу ҳақда, Қирғизистон президенти матбуот хизматига асосланиб, «Газета.uz» хабар бермоқда.
Томонлар суҳбат чоғида икки мамлакат ўртасидаги ҳар томонлама муносабатлар ҳолати ва истиқболларини муҳокама қилган.
Алмазбек Атамбаев Ўзбекистон раҳбариятининг икки томонлама ҳамкорликнинг долзарб масалаларига қаратилаётган эътибор, давлатлар ўртасидаги дўстона қўшничилик алоқаларини мустаҳкамлаш бўйича чора-тадбирларни қўллаб-қувватлаётгани учун Шавкат Мирзиёевга миннатдорчилик билдириб, қардош Ўзбекистон халқига тинчлик ва равнақ тилади.
Қайд этиш жоизки, телефон мулоқоти бош вазир ўринбосари Адҳам Икромов бошчилигидаги Ўзбекистон делегациясининг Қирғизистонга ташрифи куни бўлиб ўтди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)