Жозе Моуриньо билан ўзаро ўйинларда устунлиги бор бўлган Премьер-Лига мураббийлари (фото)

Англия футболи нашрлари АПЛда фаолият олиб борадиган ва ўзаро ўйинларда Жозе Моуриньодан устунроқ бўлган мутахассислар номини келтириб ўтди.

«Челси» билан бир неча бор чемпион бўлганига қарамай, Жозе Моуриньо яққол устунлик қила олмаган мураббийлар қуйида кўрсатиб ўтилган.

Алан Пардю

Пардю «Ньюкасл»да ишлаб юрган йиллари Моуриньога осон бўлмаган. Ўзаро ўйинларнинг 3 тасида Пардю жамоасининг қўли баланд келган бўлса, Жозе икки бор Аландан устунлик қилган.

Тони Пьюлис

«Вест Бромвич» устози таркиб борасида «Челси»га яқинлаша олмаса ҳам, Моуриньога бўйин эгишни истамасди. 2 та ғалаба, 2 та дуранг ва 2 та мағлубият — тенглик.

Клаудио Раньери

Ранери ҳам Моур билан 6 бор тўқнаш келган: 2 та ғалаба, 2 та дуранг ва 2 та мағлубият.

Рафаэль Бенитес

Бир-бирини кўришга-да кўзи йўқ Бенитес ҳамда Моуриньо 12 марта рақиб бўлган. 4 тадан ғалаба ва 4 та дуранг. Қизиқ томони, «Интер»га ҳам, «Реал»га ҳам Бенитес айнан Моуриньонинг ўрнига борган.

Юрген Клопп

Клопп «Боруссия Дортмунд»да фаолият олиб бораётганидаёқ Моуриньонинг асабида ўйнашга улгурганди. Клопп ҳисобида 3 та ғалаба бор, 2 та дуранг ва 1 та мағлубият.

Хосеп Гвардиола

17 бор Гвардиола ва Моуриньо тўқнашуви бўлиб ўтган. Пепда 8 та ғалаба бор, 6 та дуранг ҳам. Моуриньога зафар қучиш уч бор насиб қилган, деб ёзди «Championat.asia». 26 октябрь куни бу мутахассислар Англия Кубоги доирасида 18-бор тўқнаш келади.