Joze Mourinyo bilan o‘zaro o‘yinlarda ustunligi bor bo‘lgan Premyer-Liga murabbiylari (foto)

Angliya futboli nashrlari APLda faoliyat olib boradigan va o‘zaro o‘yinlarda Joze Mourinyodan ustunroq bo‘lgan mutaxassislar nomini keltirib o‘tdi.

“Chelsi” bilan bir necha bor chempion bo‘lganiga qaramay, Joze Mourinyo yaqqol ustunlik qila olmagan murabbiylar quyida ko‘rsatib o‘tilgan.

Alan Pardyu

Pardyu “Nyukasl”da ishlab yurgan yillari Mourinyoga oson bo‘lmagan. O‘zaro o‘yinlarning 3 tasida Pardyu jamoasining qo‘li baland kelgan bo‘lsa, Joze ikki bor Alandan ustunlik qilgan.

Toni Pyulis

“Vest Bromvich” ustozi tarkib borasida “Chelsi”ga yaqinlasha olmasa ham, Mourinyoga bo‘yin egishni istamasdi. 2 ta g‘alaba, 2 ta durang va 2 ta mag‘lubiyat — tenglik.

Klaudio Ranyeri

Ranyeri ham Mour bilan 6 bor to‘qnash kelgan: 2 ta g‘alaba, 2 ta durang va 2 ta mag‘lubiyat.

Rafael Benites

Bir-birini ko‘rishga-da ko‘zi yo‘q Benites hamda Mourinyo 12 marta raqib bo‘lgan. 4 tadan g‘alaba va 4 ta durang. Qiziq tomoni, “Inter”ga ham, “Real”ga ham Benites aynan Mourinyoning o‘rniga borgan.

Yurgen Klopp

Klopp “Borussiya Dortmund”da faoliyat olib borayotganidayoq Mourinyoning asabida o‘ynashga ulgurgandi. Klopp hisobida 3 ta g‘alaba bor, 2 ta durang va 1 ta mag‘lubiyat.

Xosep Gvardiola

17 bor Gvardiola va Mourinyo to‘qnashuvi bo‘lib o‘tgan. Pepda 8 ta g‘alaba bor, 6 ta durang ham. Mourinyoga zafar quchish uch bor nasib qilgan, deb yozdi “Championat.asia”. 26-oktabr kuni bu mutaxassislar Angliya Kubogi doirasida 18-bor to‘qnash keladi.